• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر،بقایاجات کی عدم ادائیگی کیخلاف گنے کے آبادگاروں کا مظاہرہ

آج کا اخبار
بزنس
26 جون ، 2018
سکھر (بیورو رپورٹ) سندھ ہاری آبادگار ویلفیئر آرگنائزیشن کے عہدیداران اور کاشتکاروں نے شوگر مل مالکان کی جانب سے گنے کے آبادگاروں کو بقایاجات ادا نہ کئے جانے کے خلاف سکھر پریس کلب کے سامنے احتجاجی مظاہرہ کیا۔ مظاہرے کی قیادت پروفیسر عبدالخالق جتوئی ،مشتاق آریجو ودیگر نے کی۔مظاہرین کا کہنا تھا کہ عدالتی احکامات کے باوجود شوگر مل مالکان گنے کے آبادگاروں کو بقایاجات ادا نہیں کررہے ہیں، جس کے باعث آبادگاروں کا معاشی قتل ہورہا ہے، اس حوالے سے کمشنر اور ڈپٹی کمشنر سمیت متعلقہ افسران کو بھی متعدد مرتبہ شکایات کی ہیں لیکن کسی نے بھی کوئی نوٹس نہیں لیا، انہوں نے متنبہ کیا کہ ایک ہفتے میں اگر آبادگاروں کو ان کے بقایاجات ادا نہیں کئے گئے تو قومی شاہراہ پر دھرنا دیا جائے گا ۔
تازہ ترین