فرمان الہی
نماز کے اوقات
لاڑکانہ (رپورٹ/خورشید عباسی)لاڑکانہ میں انتخابی صورتحال تبدیل ہوگئی ہے پیپلز پارٹی کے اندرونی اختلافات کے سبب بلاول بھٹو زرداری، نثار کھوڑو کی بیٹی ندا کھوڑو اور حسب اللہ بگھیوکو سخت مقابلے کا سامنا ہے ذرائع کے مطابق پیپلز پارٹی کے ان تمام رہنمائوں کو شکست کا سامنا ہوسکتا ہے ذرائع کے مطابق پیپلز پارٹی کے رہنما عبدالعزیز جتوئی کےاپنی جماعت کےاندرونی اختلافات کے سبب جی ڈی اے کےرہنما الطاف انڑکے بیٹے عادل انڑ کی پوزیشن بہتر ہوگئ ہے اسی طرح راشد سومرو اور معظم عباسی کو بھی اپنی فتح نظر آرہی ہے لاڑکانہ کے حلقے پی ایس 13سے بھی ایک انوکھا امیدوار لیاقت میرانی سامنے آیا ہے جو اکیلے پیدل چلنے والا آزاد امیدوارہے اور گدھا گاڑی پر سوار ہوکر لوگوں سے ووٹ مانگ رہا ہے اور پیپلز پارٹی کے خلاف مہم چلانے میں مصروف ہے جنگ سے بات کرتے ہوئے لیاقت میرانی نے کہا کہ میرا علاقے کے وڈیروں اور جاگیر داروں سے مقابلہ ہے لاڑکانہ ڈویژن میں انتخابی صورتحال اور انتخابی حکمت عملی دلچسپ ہوتی جارہی ہے اور حیران کن نتائج سامنے آسکتے ہیں ۔
