فرمان الہی
نماز کے اوقات
مریم نواز نے کہا ہے کہ ووٹ کو عزت دو کی جدوجہد فیصلہ کن مرحلے میں داخلہ ہوگئی ہے ،ہماری قربانی رائیگاں نہیں جائے گی ۔
لندن میں صحافیوں سے گفتگو میں مریم نواز نے کہا کہ میں اور نوازشریف جمعے کو لاہور جائیں گے ،قربانی ہم دیںگے اور آنے والی نسلوں اور قوم کو اس کا فائدہ ہوگا۔
انہوں نے مزید کہ میں اور نواز شریف پاکستان میں جمہوریت دیکھنے والوں کی نمائندگی کر رہے ہیں اور ملک میں جمہوریت دیکھنے والوں کی لڑائی ہم لڑیں گے۔
مریم نواز کا کہنا تھا کہ نواز شریف نے جو قربانیاں دی ہیں وہ پاکستان میں پہلے کسی نے نہیں دیں اور وہ پہلے ایسے لیڈر ہیں جو سزا بھگتنے کے لیے پاکستان جا رہے ہیں، لوگ کمر درد کے بہانے بھاگ کر یہاں آ جاتے ہیں اور ایسے بھی لیڈر ہیں جنہوں نے سزا سے بچنے کے لیے پاکستان سے باہر رہنے کو ترجیح دی۔
انہوں نے کسی کا نام لیے بغیر کہا کہ یہ جتنا بھی کچھ کر لیں، ووٹرز کو نہیں روک سکتے، سیاسی لیڈرز سزا کا سن کر پاکستان سے بھاگ آتے ہیں لیکن ہم جائیں گے، میاں صاحب نے قدم بڑھا دیا ہے قوم ان کے پیچھے کھڑی ہے۔
بعد ازاں مریم نواز کا میڈیا سے گفتگو میں کہنا تھا کہ میں اور میاں صاحب جعمرات کے دن لندن سے روانہ ہوجائیں گے اور جمعے کو شام سوا 6 بجے لاہور میں لینڈ کریں گے، گرفتاری کیا، کوئی بھی قربانی دینا پڑی تو دیں گے۔
انہوں نے کہا کہ کیٹپن (ر) صفدر اور مجھ سمیت کروڑوں لوگ ’ووٹ کو عزت دو‘ کے جھنڈے تلے مارچ کررہے ہیں، خوشی ہےکہ کیپٹن صفدر نے دلیرانہ طریقے سے شیر کی طرح گرفتاری دی۔
مریم نواز کا کہنا تھا کہ بیظیر بھٹو کی عزت کرتی ہوں لیکن میرا ان کے ساتھ موازنہ درست نہیں جب کہ 25جولائی کو ووٹ ڈال کر عوام نواز شریف سے ہونے والی ناانصافیوں کابدلہ لیں گے اور عوام اب خود میاں صاحب کی مہم چلائیں گے۔
ایک سوال کے جواب میں مریم نواز کا کہنا تھا کہ میرا خیال کہ عمران خان کی ڈوریاں ہلانے والوں کے ہاتھ پچھتاوے کے سوا کچھ نہیں رہ گیا۔
