فرمان الہی
نماز کے اوقات
کراچی (عبدالحفیظ نوری) فرانس نے دو ورلڈ کپ سمیت تین بڑے ٹورنامنٹس میں بیلجیم کو ہرایا۔ دوسری جانب بیلجیم تین دوستانہ میچوں میں ناقابل شکست رہا۔
ایک جیتا، دو برابر کھیلے۔ جون 2015 میں فرانس کو فلینی کے دو گول کے ذریعے4-3 گول سے ہرایا۔ فرانس کا یہ چھٹا ورلڈ کپ سیمی فائنل ہے۔ ورلڈ کپ اور یورپین چیمپئن شپ کے 6 ناک آئوٹ میچوں میں انٹوئن گریز مین نے7 گول کئے۔ بیلجیم کو اپنے گزشتہ صرف ایک ورلڈ کپ سیمی فائنل میں1986 میں ارجنٹائن کے ہاتھوں شکست ہوئی جب ورلڈ کپ ارجنٹائن نے جیتا تھا۔ بیلجیم1980 کی یورپین چیمپئن شپ کے فائنل میں پہنچا تھا جہاں اسے مغربی جرمنی کے ہاتھوں ہی شکست ہوئی تھی۔ بیلجیم اپنے گزشتہ24 میچوں سے ناقابل شکست چلا آرہا ہے۔ 19 جیتے، 5 برابر رہے جب کہ گزشتہ7 میچوں میں مسلسل کامیابی حاصل کی۔ بیلجیم نے رواں ورلڈ کپ کے8 میچوں میں14گول کئے ہیں جو 2002 کے بعد ریکارڈ تعداد ہے۔ اون گول کو نکال کر بیلجیم کے9 مختلف گول اسکوررز رہے۔ ہیڈ کوچ رابرٹو مارٹینیز کا زیادہ تر انحصار رومیلو لوکاکو اور کیون ڈی برائن پر ہوگا ۔ فرانسیسی دفاعی کھلاڑی رافیل ورانے کے مطابق لوکاکو جسمانی طور پر بے حد مضبوط ہے لیکن اس کے لئے فرانسیسی ٹیم کوئی گنجائش نہیں چھوڑے گی۔ انہوں نے کہا کہ ایڈن ہزارڈ بھی ایک مشکل کھلاڑی ہے اسے بھی روکنے کے لئے سر توڑ کوششیں کرنی ہوں گی۔ بیلجیم کے کیون ڈی برائن کا کہنا ہے کہ جب آپ ورلڈ کپ جیسے ایونٹ کے سیمی فائنل میں پہنچ جاتے ہیں تو کوئی بھی حریف ٹیم پھر آسان نہیں ہوتی۔
