فرمان الہی
نماز کے اوقات
کراچی (اسٹاف رپورٹر) انٹر نیشنل ہاکی فیڈریشن نے رواں سال دسمبر میں بھارت میں ہونے والے ورلڈ کپ کےلئے پاکستانی کھلاڑیوں اور آفیشلز کو بروقت ویزا جاری کرنے کی یقین دہانی کرادی ہے، پاکستان ہاکی فیڈریشن کے صدر خالد کھوکھر نے اسلام آباد میں میڈیا سے بات چیت میں کہا کہ عالمی ہاکی فیڈریشن کے صدر بھارت کے نریندر بٹرا نے پاکستان کی شرکت اور کھلاڑیوں کے تحفظ کی مکمل یقین دہانی کرائی ہے۔ ٹورنامنٹ 28 نومبر سے16 دسمبر تک بھوبھنیشور میں ہوگا۔ انہوں نے کہا کہ عالمی فیڈریشن نے پاکستان کو تعاون کا یقین دلاتے ہوئےاس سلسلے میں کاغذی کاروائی مکمل کرنے کیلئے کہا ہے، صدر پی ایچ ایف کے صدر چیمپئنز ٹرافی میں قومی ہاکی ٹیم کی کار کردگی کو تسلی بخش قرار دیا ۔
