گلیشیئر دریائے اشکومن میں آ گرا، گاڑی، 5مکان دب گئے

18 جولائی ، 2018

غذر کے گاؤں برصوات میں گلیشیئر کا بڑا حصہ دریائے اشکومن میں گرنے کی اطلاعات ملی ہیں، نیشنل ڈیزاسٹر مینجمنٹ اتھارٹی کے مطابق حالیہ بارش کے بعد مقامی کمیونٹی اور ایمرجنسی رسپانس ٹیم نے اطلاعات دیں۔

این ڈی ایم اے کا مزید کہنا ہے کہ گلیشیئر دریا میں گرنے سے دریا کا پانی جھیل میں تبدیل ہوگیا اور بہاؤ رک گیا ہے، 5رہائشی مکانات اور ایک گاڑی گلیشیئر میں دبنے کی اطلاعات بھی ہیں۔

این ڈی ایم اے نے سپارکو سے واقعے کی سیٹلائیٹ امیج مانگ لی ہیں، متعلقہ اداروں کو الرٹ جاری کرکے ٹیکنیکل ٹیم برصوات گاؤں روانہ کردی گئی ہے۔

این ڈی ایم اے نے مزید بتایا ہے کہ یہ پانچ مکانات کمیونٹی رسپانس ٹیم نے گزشتہ رات خالی کرالیے تھے، جبکہ نشیبی علاقے کے مکین اپنی مدد آپ کے تحت نقل مکانی کر گئے۔

این ڈی ایم اے کے مطابق غذر بھیجی گئی ٹیکنیکل ٹیم میں جیالوجسٹ، انجینئر اور ماہرین شامل ہیں، دریائے اشکومن کے کنارے واقع آبادی کو خالی کرانے کا سلسلہ جاری ہے۔

تازہ ترین