فرمان الہی
نماز کے اوقات
چکوال، کمرمشانی (نمائندہ جنگ، نامہ نگار) تالاب اور گہرے گڑھے میں جمع بارش کے پانی میں ڈوب کر چار بچے جاں بحق ہو گئے۔ تفصیلات کے مطابق چکوال کے علاقہ منارہ کے نواحی گائوں میں تالاب میں ڈوب کر 2بچے جاں بحق ہوگئے۔ 7سالہ ایمل اور 6سالہ مطیع الرحمٰن نہانے کیلئے تالاب میں اترے لیکن بارش کا پانی تالاب جمع ہونے سے کافی گہرا ہو گیا تھا جس کی وجہ سے دونوں بچے ڈوب گئے۔ حادثے کے بعد پورے گاؤں کی فضا سوگوار ہوگئی۔ادھر کمرمشانی سے نامہ نگار کے مطابق سلطان خیل شہر میں بارش کے کھڑے پانی میں نہاتے ہوئے گہرے گڑھے میں گرنے سے 2کمسن بچے ارباز اور مدثر ڈوب کر جان بحق ہوگئے ،اطلاع ملنے پر مقامی افراد نے اپنی مدد آپ کے تحت دونوں بچوں کی نعشیں نکالیں ،بچوں کی عمریں 7سے 9سال بتائی گئی ہیں۔
