• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مصر پانچویں بار عالمی جونیئر ٹیم اسکواش چیمپئن بن گیا

آج کا اخبار
اسپورٹس
30 جولائی ، 2018
کراچی (اسٹاف رپورٹر) مصر نے انگلینڈ کو شکست دیکر ورلڈ جونیئر ٹیم اسکواش چیمپئن شپ جیت لی۔ پاکستانی ٹیم ایونٹ کی ساتویں پوزیشن کے میچ میں میں ہانگ کانگ سے شکست کھا گئی۔ بھارت کے شہر چنئی میں ہونے والی چیمپئن شپ کے فائنل میں مصر نے انگلینڈ کو 2-0 سے شکست دیکر 2018 ء کا چیمپئن ہونے کا اعزاز حاصل کرلیا۔ اس کامیابی کے ساتھ مصر کی ٹیم پاکستان کا پانچ بار اعزاز حاصل کرنے کا ریکارڈ بھی برابر کردیا۔ اس سے قبل مصر نے مسلسل آٹھ بار ٹورنامنٹ کے فائنل میں رسائی حاصل کی تھی اور چار بار چیمپئن ہونے کا اعزاز حاصل کیا تھا۔ پاکستانی ٹیم کی سب سے بڑی کامیابی میزبان بھارت کے خلاف تھی جہاں اس نے پری کوارٹر فائنل میچ میں بھارت کو شکست دے کر کوارٹر فائنل میں پہنچنے کا اعزاز حاصل کیا تھا لیکن کوارٹر فائنل میں انگلینڈ نے شکست دیکر ٹاپ فور پوزیشن سے آئوٹ کردیا تھا۔ ساتویں اور آٹھویں پوزیشن کے میچ میں پاکستان کو ہانگ کانگ نے 2-0 سے زیر کرکے ساتویں جبکہ پاکستان نے آٹھویں پوزیشن حاصل کی۔
تازہ ترین