فرمان الہی
نماز کے اوقات
بالی ووڈ پرفیکشنسٹ عامر خان کی مشہور فلم ’سرفروش‘ کا سیکوئل بنانے کی تیاریاں شروع کردی گئی ہیں لیکن حیران کن طور پر عامر خان فلم میں شامل نہیں ہیں۔
بھارتی میڈیا رپورٹس کے مطابق 1999 میں بننے والی بالی ووڈ فلم ’سرفروش‘میں اے سی پی اجے سنگھ راٹھور کا کردارعامر خان کی جگہ اب جان ابراہم نبھائیں گے۔
رپورٹ کے مطابق ہدایتکار میتھیو متھن اور جان ابراہم کے درمیان 'سرفروش ٹوکے حوالے سے بات چیت جاری ہے جبکہ میتھیوکا کہنا ہے کہ فلم ’سرفروش‘ کے سیکوئل کے لئے اسکرپٹ پر کام جاری ہے اور کرداروں کے حوالے سے فی الحال تصدیق کرنا قبل از وقت ہے۔
فلم’ سرفروش میں عامر خان کے ہمراہ سونالی باندرے نے مرکزی کردار ادا کیا تھا جب کہ نصیرالدین شاہ نے پاکستانی غزل گائک کا مرکزی کردار ادا کیا تھا اور مداحوں میں عامر خان بطور اے سی پی اجے سنگھ راٹھور کا کردار آج بھی لوگوں کے ذہنوں میں تازہ ہے۔
