فرمان الہی
نماز کے اوقات
تحریک انصاف کے وفد نے اسد قیصر کے ہمراہ اسپیکر قومی اسمبلی ایاز صادق سے ملاقات کی ہے جس میں کل ہونے والے قومی اسمبلی اجلاس پر مشاورت کی گئی۔
ذرائع کےمطابق پاکستان تحریک انصاف کے وفد نے اسپیکرقومی اسمبلی سردارایازصادق سےاسپیکرہاؤس میں ملاقات ہے۔
ملاقات میں پی ٹی آئی کے نامزد اسپیکر قومی اسمبلی کے امیدوار اسد قیصر کے علاوہ پرویز خٹک اورفواد چوہدری بھی شامل تھے۔
اس موقع پر پی ٹی آئی کے رہنما فواد چوہدری نے کہا کہ حکومت اور اپوزیشن ساتھ نہیں چلیں گے تو معاملہ آگے نہیں بڑھے گا، اپوزیشن کو ساتھ لے کر چلنا عمران خان کا وژن ہے۔
انہوں نے کہا کہ اپوزیشن کے تحفظات کو سنا جائے گا، ملاقات میں مسلم لیگ ن کے اسپیکر قومی اسمبلی ایاز صادق نے کہا کہ پی ٹی آئی کے وفد نے الیکشن سے متعلق تحفظات پر بھی بات کرنے کی پیشکش کی ہے۔
پی ٹی آئی وفد نے ایاز صادق کو عمران خان کی تقریب حلف برداری میں شرکت کی دعوت بھی دی ۔
دوسری جانب تحریک انصاف کے رہنما فواد چوہدری نے پیپلزپارٹی کے رہنما خورشید شاہ کو بھی ٹیلی فون کیا اور ان سے ملاقات کی خواہش کا اظہار کیا۔ ذرائع کے مطابق دونوں رہنماؤں کی ملاقات آج شام میں ہونے کا امکان ہے۔
