• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیرہ اسماعیل خان، مسافر بس فورسز کے ٹرک سے ٹکراگئی، 6 اہلکار شہید، 26 افرادزخمی

آج کا اخبار
اہم خبریں
13 اگست ، 2018
ڈیرہ اسماعیل خان ( آن لائن ) ڈیرہ اسماعیل خان کے قریب مسافروں سے بھری بس بلوچستان سے راولپنڈی کی جانب جاررہی تھی کہ درابن کلاں کے مقام پر مخالف سمت سے آنے والے تیزر فتار سیکیورٹی فورسز کے ٹرک سے ٹکرا گئی‘جس کے نتیجے میں 6 اہلکار شہید اور 26 افرادزخمی ہوگئے۔ شہید ہونے والوں میں فرنٹیئر کانسٹیبلری کے 3 اور خاصے دار فورسز کے 3 اہلکار شامل ہیں۔ واقع کے بعد ریسکیو اہلکاروں نے موقع پر پہنچ کر زخمیوں کو ابتدائی طبی امداد فراہم کرنے کیلئے سی ایم ایچ اور ڈسٹرکٹ ہسپتال ڈیرہ اسماعیل خان منتقل کیا ‘تو وہاں پر موجود ڈاکٹروں نے 8 زخمیوں کی حالت کو تشویشناک قرار دیدیا۔واقع کے بعد پولیس کی بھاری نفر ی نے موقع پر پہنچ کر شواہد اکٹھے کئے۔عینی شاہدین کے مطابق حادثہ تیز رفتاری کے باعث پیش آیا تاہم پولیس مصروف تفتیش ہے۔دوسری جانب کراچی میں مسافر کوچ الٹنے سے 3 خواتین زخمی ہو گئیں، حادثہ ناظم آباد نمبر 3 کے قریب پیش آیا۔ زخمی خواتین کو ہسپتال منتقل کر دیا گیا جہاں انکی حالت خطرے سے باہر بتائی گئی ہے۔
تازہ ترین