فرمان الہی
نماز کے اوقات
کراچی (اسٹاف رپورٹر)پاکستان نے کبڈی سیمی فائنل میں کوریا کے ہاتھوں شکست کھا کرایشین گیمز کا پہلا برانز میڈل حاصل کرلیا۔ پاکستان کا اب تک کھیلے گئے مقابلوں میں یہ پہلا میڈل ہے۔ ہاکی ایونٹ میں پاکستان نے قازقستان کو 16-0 کے مارجن سے ہرا کر تیسری کامیابی حاصل کی۔ توثیق نے چار ابوبکر محمود نے تین گول اسکور کرکے ہیٹ ٹرکس بنائیں۔ ہینڈ بال میں پاکستانی ٹیم بھارت سے شکست کے بعد میڈلز کی دوڑی سے باہر ہوگئی، آرچری، بیڈمنٹن مینز سنگل اور ویمنز ڈبلز میں بھی پاکستانی کھلاڑیوں کو شکست کا سامنا کرنا پڑا۔ انڈونیشیا کے دارالحکومت جکارتہ میں جاری کبڈی ایونٹ کے سیمی فائنل میں پاکستان اور کوریا کے درمیان مقابلہ سخت رہا جس میں کوریا نے 24کے مقابلے میں 27کے اسکور سے کامیابی حاصل کرکے فائنل میں رسائی حاصل کی۔ ہاکی ایونٹ میں پاکستان نے قازقستان کو 16-0 کے بھاری مارجن سے شکست دی۔ پاکستان کی جانب سے توثیق ارشد اور ابوبکر محمود نے ہیٹ ٹرکس بنائیں۔ توثیق نے چار جبکہ ابوبکر محمود نے تین گول اسکور کئے۔ محمدرضوان سینئر، عمربھٹہ اور علی شان نے دو دو گول کئے۔ پاکستان اپنا اگلا میچ 26 اگست کو ملائشیا کے خلاف کھیلے گا۔ ہینڈ بال ایونٹ کے گروپ میچ میں بھارت نے سنسنی خیز مقابلے کے بعد پاکستان کو ایک گول سے شکست دی۔ بھارتی ٹیم نے 28 جبکہ پاکستان نے27 گول اسکور کئے گئے۔ آرچری کے مکس ٹیم ایونٹ میں کوریا نے پاکستان کو 6-0 سے شکست دی۔ شوٹنگ 25 میٹر ریپڈ فائر پسٹل (مینز) میں پاکستان کے غلام مصطفی بشیر290 کے ساتھ 9 ویں جبکہ محمدخلیل اختر 283 کے ساتھ 16 ویں نمبر پر رہے، سیلنگ لیزراسٹیندرڈ کلاس کی دوریسوں میں پاکستان کے نجیب اللہ خان11 ویں، ونڈ سرفنگ RSX کلاس میں راجہ قاسم عباس 7 ویں،470 کلاس میں رحمان اللہ اور خالدحسین 9 ویں جبکہ لیزر4.7 کلاس میں محمداویس 20 ویں پوزیشن پر رہے۔ بیڈ منٹن مینز سنگل رائونڈ میں ملائشیا کے کھلاڑی نے پاکستان کے عظیم سرور کو 2-0 سے، چائنا کے کھلاڑی نے عرفان بھٹی کو 2-0 سے جبکہ ویمنز ڈبل رائونڈ میں جاپان کی جوڑی نے پاکستان کی غزالہ صدیق اور صائمہ وقاص کیخلاف 2-0 سے کامیابی حاصل کی۔ جمناسٹک کے مینز واکٹ ایونٹ میں پاکستان کے عزیزجومہ رینکنگ میں جگہ نہ بنا سکے۔ سوئمنگ کے مینز50 میٹر بریسٹ اسٹوک میں حمزہ ملک (33.20) کے ساتھ 33ویں، ویمنز 50 میٹر فری اسٹائل میں بسمہ خان (28.08) کے ساتھ 19ویں، ویمنز 200 میٹر IM میں مشال عائشہ ایوب (2:38.70) کے ساتھ 16ویں جبکہ مینز4X100 میٹر میڈلے ریلے میں حمزہ، یحیی،حسیب اور کاوس نے(4:10.92) کے 15 ویں نمبر پر رہے۔ روئنگ کے مینز لائٹ ویٹ سنگل اسکلز فائنل میں پاکستان کے عاصم اعجاز رینکنگ میں اپنی جگہ نہ بنا سکے۔
