• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایئر چیف انٹرنیشنل اسکواش ٹورنامنٹ کے انتظامات مکمل

آج کا اخبار
اسپورٹس
28 اگست ، 2018
کراچی (اسٹاف رپورٹر) اسلام آباد کے مصحف علی میر اسکواش کمپلکس میں10 سے 14 ستمبر سے شروع ہونے والے چیف آف دی ایئر اسٹاف انٹرنیشنل مینز اور پاکستان انٹرنیشنل ویمن اسکواش ٹورنامنٹ کیلئے انتظامات مکمل کرلئے گئے ہیں۔ مینز ایونٹ میں ہانگ کانگ کے عالمی نمبر20 لیو آو اور ویمنز کے ایونٹ میں مصر کی عالمی نمبر 13 رون ٹاپ سیڈ ہوں گی۔ ایونٹس میں شرکت کیلئے غیر ملکی کھلاڑیوں کی آمد کا سلسلہ 7 ستمبر سے شروع ہوگا۔ پاکستان اسکواش فیڈریشن کے گیم ڈویلپمنٹ آفیسر فلائٹ لیفٹیننٹ عامر اقبال کا کہنا ہے کہ مینز ایونٹ کیلئے 30 ہزار ڈالر جبکہ خواتین ایونٹ کیلئے 10 ہزار ڈالرز کی انعامی رقم مختص کی گئی ہے۔ ایونٹس میں ہانگ کانگ، ملائشیا، مصر،، ایران،، آسٹریا، تھائی لینڈ اور ہالینڈ کے غیر ملکی کھلاڑیوں نے شرکت کی تصدیق کردی ہے۔ پاکستان کی جانب سے ایونٹس میں ٹاپ کھلاڑی حصہ لیں گے۔
تازہ ترین