• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عوام یوٹرن خان کے کھوکھلے نعروں کی حقیقت جان چکے ہیں، حمزہ شہباز

آج کا اخبار
اہم خبریں
29 اگست ، 2018
لاہور( نمائندہ جنگ)پاکستان مسلم لیگ(ن) کے رہنما حمزہ شہباز نے کہاہے کہ عوام یوٹرن خان کے کھوکھلے نعروں کی حقیقت جان چکے ہیں ، ملک گیر تبدیلی لانے کے نعرے اوربڑے بڑے دعوے ہوا ہوگئے اور پی ٹی آئی اپنی حکومت کے آغاز میں ہی بری طرح ایکسپوز ہوگئی ہے ،ڈی پی او پاکپتن کا تبادلہ حکمرانوں کا منہ چڑا رہاہے اور عوام یہ سوال کرنے میں حق بجانب ہیں کہ کون سے میرٹ کی بنیاد پر ایسے اقدامات اٹھائے جارہے ہیں ۔حمزہ شہباز نے کہاکہ وزارتوں کی بندربانٹ کے بعد اسی طرح کی کمزور اور نااہل حکومت وجود میں آئے گی جس کی توقع کی جارہی تھی ۔ماڈل ٹائون سیکرٹریٹ میں مختلف وفود سے گفتگو کرتے ہوئے حمزہ شہباز نے کہا کہ مصنوعی مینڈیٹ اور ووٹ چوری کرنے والوں کو کہیں پناہ نہیں ملے گی اور ضمنی الیکشن میں شیر بھرپور کامیابی حاصل کر ے گا۔
تازہ ترین