• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوایس ٹینس: شراپوا،وزنیاکی، فیڈرر، جوکووچ کا فاتحانہ آغاز

آج کا اخبار
اسپورٹس
30 اگست ، 2018
نیویارک (نیوز ایجنسیز) سابق عالمی نمبر ایک اور روسی چیمپئن ماریا شراپورا، کنیڈا کے گلیمر گرل یوجینی بوشارڈ ،ڈنمارک کی کیرولین وزنیاکی نے یوایس اوپن کا پہلا مرحلہ عبور کرلیا۔ ویمنز سنگلز پہلے رائونڈ میں پانچ مرتبہ کی گرینڈ سلم چیمپئن ماریا شرا پووا نے حریف سوئس کھلاڑی پیٹی سکینڈر کو سخت مقابلے کے بعد ٹائی بریک پر 6-2 اور 7-6 سے ہرا کر دوسرے رائونڈ میں جگہ بنائی۔ بوشارڈ نے فرانس کی ہارمونی تان کو اسٹریٹ سیٹس میں زیر کیا۔ امریکن کھلاڑی میڈیسن کیز نے فرنچ حریف پارمنٹائر کو ٹھکانے لگایا۔ جبکہ کیرولین وزنیاکی نے آسٹریلیا کی سمانتھا اسٹوسر کو ہرا دیا۔ ادھر مینز سنگلز میں سربیا نواک جوکووچ نے ہنگری کے مارٹن کو ناکامی سے دوچار کیا۔ جرمنی کے الیگزینڈر زیوریف نے کینیڈین کھلاڑی پیٹر پولانسکی کو شکست دی۔ سوئس اسٹار اور ریکارڈ 20 مرتبہ کے گرینڈ سلم چیمپئن راجر فیڈرر نے جاپانی کھلاڑی یوشیتو نیشیوکا کو 6-2، 6-2 اور 6-4 سے ہرا کر دوسرے رائونڈ میں جگہ بنائی۔ جاپان کے کائی نیشکوری نے مارٹرر کو شکست فاش سے دوچار کیا۔
تازہ ترین