• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اعتزاز احسن کا نام سب سے پہلےفواد چوہدری نے پیش کیا ،خورشید شاہ

آج کا اخبار
اہم خبریں
30 اگست ، 2018
اسلام آباد(مانیٹرنگ سیل)پیپلز پارٹی کے رہنما خورشید نے کہا ہے کہ صدارتی امیدوار کے لئے اعتزاز احسن کا نام سب سے پہلے وفاقی وزیر اطلاعات فواد چوہدری نے پیش کیا پیپلز پارٹی کے شریک چیئرمین آصف علی زرداری نے کس شرط پر اعتزاز احسن کو صدا ر تی امیدوار نامزد کیا؟ اس راز سے پی پی رہنما خورشید شاہ نے پردہ اٹھادیا ہے۔اپنے بیان میں خورشید شاہ نے اعتزاز احسن کی بطور صدارتی امیدوار نامزدگی کا پس منظر بتاتے ہوئے کہا کہ اعتزاز احسن کا نام سب سے پہلے وفاقی وزیر اطلاعات فواد چوہدری نے پیش کیا۔خورشید شاہ نے مزید کہا کہ قائد ایوان کے الیکشن کے دن فواد چوہدری اسمبلی میں راجہ پرویز اشرف اور مجھ سے ملے، فواد چوہدری نے مشترکہ، غیرمتنازع اور صدر کے شایان شان امیدوار لانے کی تجویز دی جس پر میں نے کہا کہ بہت اچھی تجویز ہے آپ بتائیں کس کو نامزد کیا جائے؟خورشید شاہ نے بتایا کہ ʼفواد چوہدری نے ثانیہ نشتر اور میں نے آصف زرداری کا نام دیا مگر اتفاق نہ ہواʼ۔ پھر خورشید شاہ نے فواد چوہدری سے کہا کہ ʼآپ کسی سیا ستد ا ن کا نام تجویز کریں ہم بات کرلیتے ہیںʼ۔ خورشید شاہ کے مطابق اس بار فواد چوہدری نے کہا کہ اعتزاز احسن کا نام بہتر رہے گا، اس معاملے پر راجا پرویز اشرف کو گواہ بنایا گیا اور اپنی اپنی پارٹیوں کو راضی کرنے پراتفاق کیا گیا۔
تازہ ترین