فرمان الہی
نماز کے اوقات
لاہور (نمائندہ جنگ) وزیراعظم عمران خان کی اہلیہ خاتون اول بشریٰ عمران نے گذشتہ روز یتیم خانہ دارالشفقت کا دورہ کیا اور داتا دربار حاضری دی۔پہلے وہ دارالشفقت گئیں،بچوں کیساتھ کھاناکھایا ، اس موقع پر سیکرٹری انجمن حمایت اسلام میاں منیر نے انھیں خوش آمدید کہا ۔خاتون اول نےکہا یہاں رہائش پذیر بچوں کے ساتھ وقت گزارنا میرے لئے ہمیشہ سے ہی دلی سکون کا باعث رہا ہے یہاں کا موحول قابل تعریف ہے ۔ دارالشفقت کےبعدداتا دربارپربھی حاضری دی،قبر پر چادرچڑھائی اور فاتحہ خوانی کی،میاں منیر نے خاتون اول کوکہا کہ خواہش ہے کہ وزیراعظم عمران خان یہاں آئیں آپ ان تک ہمارا پیغام دے دیں جس پر انھوں نے کہا میں یہاں آئی ہوںآپ سمجھئیے وزیر اعظم بھی آگئے ہیں ۔فی الحال وہ بہت مصروف ہیں تاہم وہ ضرور آئیں گے۔اس موقع پر سیکرٹری میاں شاہد لطیف،فنانس سیکرٹریمرزا خادم حسین،سیکرٹری سوشم ویلفئیر خواجہ مشتاق احمد اور کارکنان بھی موجود تھے۔اس کے بعد خاتون اول نےبچوں میں تحائف تقسیم کیے۔بچوں سے غیر رسمی گفتگو کرتے ہوئے انھیں دی جانے والی سہولیات اور دیگر انتظامی امور کا جائزہ بھی لیا۔بشریٰ عمران کا خاتون اول بننے کے بعد یہ پہلا دورہ ہے۔ وہ اچانک وہاں پہنچیں جب سٹاف کو انکے آنے کا پتہ چلا تو انھیں خوشگوار حیرت ہوئی ۔ صرف ایک شخص کو انکے دورے کا علم تھا تاہم وہ اس سے قبل کئی بار یہاں آکر بچوں کے ساتھ وقت گزار چکی ہیں۔ان کے ہمراہ قریبی سہیلی فرح خان بھی موجود تھیں۔وہ کھانا ہمراہ لیکر وہاں گئیں اور بچوں کے ساتھ کھانا کھایا۔وہ ایک گھنٹے تک وہاں رکی رہیں بچوں میں گھل مل گئیں ایک ننھے بچے کو گود میں بٹھائے رکھا اسکے ساتھ باتیں کرتی رہیں۔
