• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جہاں چیف جسٹس چھاپے مارے وہاں ہم کیا کہیں، زرداری

آج کا اخبار
اہم خبریں
02 ستمبر ، 2018
کراچی ( اسٹاف رپورٹر ) سابق صدر آصف علی زرداری نے کہا ہے کہ جس ملک کا چیف جسٹس چھاپے مارے گا اس پر کیا کہیں گے ،ہیلی کاپٹر کے بارے بات چیت چل رہی ہے دیکھتے ہیں کب ملتا ہے، فضل الرحمان دستبردار ہوجائینگے ۔ہفتہ کے روز بیکنگ کورٹ میں ضمانتی مچلکے جمع کرانے کے بعد میڈیا سے مختصر گفتگو ہوئی ،صحافی نے سوال پوچھا کہ آج چیف جسٹس ثاقب نثار نے اسپتال پر چھاپہ مارا اور شرجیل میمن کے کمرے سے شراب ،منشیات بھی برآمد ہوئی ہے جس پر آصف علی زرداری نے کہا کہ جس ملک کا چیف جسٹس چھاپے مارے گا اس پر کیا کہیں ۔ 50 ہزار کیس سپریم کورٹ میں ہیں اتنا زور اور توجہ ان پر دی جائے گی تو ختم ہو جائیں ،’’ آج آپ ہیلی کاپٹر پر نہیں آئے‘‘ کے سوال پر آصف علی زرداری نے کہا ہے کہ نئے ہیلی کاپٹر کیلئے بات چیت چل رہی ہے دیکھتے ہیں کب ملتا ہے ،سنا ہے ہیلی کاپٹر کا سفر 50 , 55 روپے میں ہوتا ہے،صحافیوں کے سوال وجواب میں آصف علی زرداری خوشگوار موڈ میں نظر آئے اور ہنستے مسکراتے ہوئے جواب دیئے گاڑی میں بیٹھ کر چلے گئے۔
تازہ ترین