• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر ،گستاخانہ خاکو ں کی منسوخی پر جماعت اصلاح المسلمین کی یوم تشکر ریلی

آج کا اخبار
سندھ بھر سے
03 ستمبر ، 2018
سکھر (بیورو رپورٹ) جماعت اصلاح المسلمین ضلع سکھر کے زیر اہتمام گستاخانہ خاکوں کی منسوخی پر یوم تشکر کے حوالے سے عظیم الشان عظمت مصطفی ﷺ ریلی نکالی گئی، ریلی مختلف شاہراہوں سے ہوتی ہوئی پریس کلب پہنچی ۔ ریلی کے شرکاء سے خطاب کرتے ہوئے جماعت اصلاح المسلمین سندھ کے پریس سیکریٹری ڈاکٹر سعید اعوان نے کہا کہ عظمت مصطفی ﷺ کے تحفظ کیلئے اتحاد و یکجہتی کو فروغ دیا جائے، مسلم امہ کا اتحاد آج کی معاشی، شرعی، سماجی اور سیاسی ضرورت ہے، پوری دنیا کے مسلمانوں کے لیے ختم المرسلین پیغمبر آخری الزمان حضرت محمد ﷺ اپنی جانوں سے بھی زیادہ پیارے ہیں، ہم نبی پاک ﷺ سے اپنی زندگی اور ہر چیز سے زیادہ پیار کرتے ہیں، ہمارے لیے رسول اللہ ﷺ اور ان کی عزت و ناموس سے بڑھ کر اور کچھ بھی نہیں۔ حکومت پاکستان نے امت مسلمہ کے جذبات کی بروقت ترجمانی کی اور ہالینڈ کی حکومت سے کھل کر بات کی۔ مسلمانوں کے مذہبی جذبات سے کھیلنا امن عالم کے لیے خطرہ ہے۔
تازہ ترین