یومِ دفاع پر دہشتگردی کی سازش ناکام،ملتان میں 3دہشتگرد گرفتار

آج کا اخبار

اہم خبریں

03 ستمبر ، 2018

ملتان (نمائندہ جنگ)محکمہ انسداددہشتگردی(سی ٹی ڈی)نےملتان میں کامیاب آپریشن کرتے ہوئے 3خطرناک دہشتگرد گرفتار کرلئے‘ انسپکٹر جنرل پولیس پنجاب ڈاکٹر سید کلیم امام کی ہدایت پر سی ٹی ڈی ملتان نےانٹیلی جنس کی بنیادپرکارروائی کرتےہوئےبستی شور کوٹ ملتان سےکالعدم تنظیم لشکر جھنگوی کے3خطرناک دہشتگردوں کو اسلحہ اوربارودی مواد سمیت گرفتار کر کے یوم دفاع کے موقع پر دہشت گردی کا بڑا منصوبہ ناکام بنا دیا ہے۔ گرفتار دہشت گردوں میں محمد اقبال‘عثمان ضیا ء اور حسنین معاویہ شامل ہیں جن کے قبضے سے 4ہینڈ گرنیڈ‘ 30بور کا پسٹل‘جہادی لٹریچراورفنڈزبھی برآمدہوئے۔ ترجمان سی ٹی ڈی کےمطابق گرفتاردہشتگردوں سےکی گئی ابتدائی تفتیش میں انکشاف ہوا ہے کہ یہ دہشتگرد 6ستمبر یوم دفاع کے موقع پر حساس تنصیبات اورقانون نافذکرنیوالےاداروں کونشانہ بناناچاہتےتھےتاہم اہم ذرائع سے ملنےوالی معلومات کی بنیادپرآپریشن سےانکے منصوبےکوناکام بنادیاگیا‘ذرائع کےمطابق پنجاب بھر میں محرم الحرام سے قبل صوبے کے تمام اضلاع میں سرچ‘ سویپ اور کومبنگ آپریشنزکو مزید تیزکیاجائےگا اور سی ٹی ڈی کی ٹیمیں امن وامان کی فضا کو برقرار رکھنے کیلئے کالعدم تنظیموں کی کڑی نگرانی کرتے ہوئے سماج دشمن عناصر کے خلاف انٹیلی جنس بیسڈ آپریشنز کا سلسلہ جاری رکھیں گی ۔

تازہ ترین