• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چکوال کے ڈپٹی کمشنر نے بالکل ٹھیک لکھا ، یہ عمران خان کی فتح ہے ،تحقیقات جاری ہیں،فیاض چوہان

آج کا اخبار
اہم خبریں
05 ستمبر ، 2018
لاہور(نمائندہ جنگ)صوبائی وزیر اطلاعات فیاض الحسن چوہان نے کہا ہے کہ چکوال کے ڈپٹی کمشنر نے بالکل ٹھیک لکھا یہ عمران خان کی فتح ہے اس پر تحقیقات ہورہی ہے۔ ڈپٹی کمشنر کو وہ خط بھی دینا چاہیے جو ایم این اے نے ان کو لکھا۔ صدارتی انتخاب کیلئے ووٹ ڈالنےکے بعد پنجاب اسمبلی میں میڈیا سے گفتگو کرتے ہوئے صوبائی وزیر اطلاعات فیاض الحسن چوہان نے کہا کہ عارف علوی پی ٹی آئی اور عمران خان کا بہترین چناؤ ہے۔عارف علوی ملک کو آگے لیجانے میں اہم کردار ادا کریں گے۔اپوزیشن تقسیم ہوچکی ہے، ہماری نیت صاف ہے۔ عمران خان نے خود پر بھی لاگو کیا کہ عوام کی خدمت کریں۔ صوبائی وزیراطلاعات نے کہا کہ شہباز شریف نے پنجاب اسمبلی کی نئی بلڈنگ کو مکمل نہیں کیا۔کل چیف جسٹس نے خاور مانیکا سے کہا ہے کہ اگر آپ کی فیملی کے ساتھ زیادتی ہوئی ہے تو اس پر معافی مانگتے ہیں۔ فیاض الحسن چوہان نے کہا کہ عمران خان کے وثرن پر پی ٹی آئی پورے پاکستان میں متحد ہے۔
تازہ ترین