فرمان الہی
نماز کے اوقات
لاہور(آئی این پی ) مسلم لیگ (ن)کے رہنما اور سابق وفاقی وزیر ریلوے خواجہ سعد رفیق نے کہا ہے کہ عارف علوی کی جیت پر شیلڈ زرداری کو ملنی چاہیے، صدارتی انتخاب میں عارف علوی کی جیت کے ذمہ دار پاکستان پیپلز پارٹی کے شریک چیئرمین اور سابق صدر آصف علی زرداری ہوں گے، آصف زرداری کو معلوم تھا کہ وہ اعتزاز کی شکل میں ایک متنازع شخص کو امیدوار بنارہے ہیں، انتخابی دھاندلی بے نقاب کرنے کا موقع خراب کیا گیا ، آصف علی زرداری کا رویہ ناقابل فہم ہے۔ منگل کو صدارتی انتخاب کے سلسلے میں ووٹ ڈالنے کے لیے پنجاب اسمبلی آمد کے موقع پر سعد رفیق نے اعتزاز احسن کو صدارتی امیدوار نامزد کرنے پر تنقید کرتے ہوئے کہا کہ آصف زرداری کو معلوم تھا کہ وہ ایک متنازع شخص کو امیدوار بنارہے ہیں۔ ساتھ ہی انہوں نے کہا کہ عارف علوی کی کامیابی کا سہرا آصف علی زرداری کے سر ہوگا ۔
