فرمان الہی
نماز کے اوقات
پاکستان کرکٹ بورڈ (پی سی بی) کی جانب سے شان مسعود کو کنسلٹنٹ انٹرنیشنل کرکٹ اینڈ پلئیرز افئیرز کی دی گئی پیشکش واپس لینے کا امکان ہے۔
ذرائع کے مطابق شان مسعود کو اکتوبر میں کنسلٹنٹ بنانے کی زبانی آفر کی گئی تھی، ان کی ٹیسٹ کرکٹ کی مصروفیت پیشکش واپس لینے کی وجہ بن رہی ہے۔
شان مسعود کے لیے کرکٹ کے ساتھ کنسلٹینسی لے کر چلنا مشکل تھا، پاکستان نے ورلڈ ٹیسٹ چیمپئن شپ میں آئندہ برس اہم سیریز کھیلنا ہیں۔
ذرائع کا کہنا ہے کہ شان مسعود کا کرکٹ کیریئر زیادہ اہم ہے اس لیے پی سی بی کے آفر واپس لینے کا امکان ہے۔
شان مسعود نے جنوبی افریقہ کے خلاف سیریز کے بعد قائداعظم ٹرافی میں حصہ لیا اور انہوں نے امریکا جانے سے قبل پریزیڈنٹ ون ڈے کپ کے میچز بھی کھیلے۔
