آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

شاہد اقبال شاہدؔ

بس یہی ہے دعا، کراچی میں

رحم کر اے خدا، کراچی میں

جانے کیا گل نیا کھلائے گا

رقصِ بادِ صبا، کراچی میں

موسمِ گُل کا یہ اشارہ ہے

اک بدلتی فضا، کراچی میں

اس کراچی کو جیتنے کے لیے

جانے کیا کیا ہوا، کراچی میں

کس کے حصے میں آئی ہے شہرت

کون رسوا ہوا، کراچی میں

سب ہیں تنہا، یہی حقیقت ہے

کون کس کا ہوا، کراچی میں

جانے والے نہ لوٹ آئیں کہیں

تم یہ سوچو ذرا کراچی میں

اب مدد کو مری اُتر آئے

آسماں سے خدا، کراچی میں

حُسن کی داد مجھ سے چاہے ہے

اک حسِیں دلبرا، کراچی میں

لاکھ چاہو بجھا نہ پائو گے

میں ہوں ایسا دیا، کراچی میں

کوئی ملتا نہیں محبت سے

سب ہیں سب سے خفا، کراچی میں

کون جیتا ہے شہر میں شاہد

ووٹ کس کو پڑا، کراچی میں

قرطاسِ ادب سے مزید
غزلیں سے مزید