• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ساہیوال راچڈیل لنک کے وفد کی مئیر راچڈیل محمد زمان سے ملاقات

آج کا اخبار
یورپ سے
09 ستمبر ، 2018
مانچسٹر (نمائندہ جنگ) ساہیوال راچڈیل لنک کانفرنس مئیر راچڈیل کونسلر محمد زمان کے آفس میں منعقد کی گئی، جس میں ساہیوال راچڈیل لنک کے وفد نے مئیر آف راچڈیل کونسلر محمد زمان سے ملاقات کی اور ان کی توجہ ساہیوال اور راچڈیل کی کمیونیٹیز کے درمیان منقطع روابط اور مسائل پر دلوائی اور ساہیوال کا راچڈیل کیساتھ جڑواں شہر ہونے کی حیثیت سے ساہیوال کے شہریوں کی طرف سے راچڈیل کی کمیونیٹی کو خیر سگالی و نیک خواہشات کا پیغام دیا۔ ساہیوال راچڈیل لنک 1993میں قائم کیا گیا تھا، دونوں شہروں کی کونسلز نے مل کر بہت سے منصوبہ جات پر کام کیا لیکن پچھلے کچھ سالوں سے ساہیوال راچڈیل لنک سست روی کا شکار رہا۔ ساہیوال راچڈیل کو جڑواں شہر کا درجہ دلانے میں اہم کردار ادا کرنے والوں جن میں چئیر آف سٹی کونسل راچڈیل کونسلر سلطان علی، محمد بوٹا، غلام رسول شہزاد، افتخار احمد، الزبتھ بابر، رضیہ شمیم، ہارون جواہر الدین نے مئیر آف راچڈیل کونسلر محمد زمان کو ساہیوال پاکستان آنے کی دعوت بھی دیجس پر مئیر آف راچڈیل کونسلر محمد زمان نے آمادگی ظاہر کرتے ہوئے کہا کہ وہجلد ہی اپنے وفد کے ہمراہ ساہیوال پاکستان کا دورہ کریں گےاور پہلے کی طرح ساہیوال کے ساتھ مل کر تمام منصوبہ جات پر کام بھی کریں گے،دونوں اطراف کی کمیونیٹیز میں باہمی رابطے کو بھی جلد بحال کیا جائے گا۔
تازہ ترین