فرمان الہی
نماز کے اوقات
شجاع آباد (نمائندہ جنگ)سابق وزیر اعظم سید یوسف رضا گیلانی نےکہاہےکہ مجھ پر مشرف ،ق لیگ ،ن لیگ ادوار میں مجھ پر نیب کیس بنتے رہے ہیں اگر عمران خان کے دور میں نہ بنتے تو مجھے افسوس ہوتا۔وہ گزشتہ روز اچانک شجاع آباد پہنچے اورمختلف لوگوں کی ملاقاتیں کیں۔اس مو قع پر سیدیوسف رضا گیلانی نےمیڈیا سےبات کرتے ہوئے کہا کہ نئی حکومت ہے‘اسے وقت دیں گے تاکہ منشور پر عمل کرکے دکھائے اگر اپنے منشو ر پرعمل درآمد میں موجودہ حکومت ناکام رہی توٹھوس اپوزیشن کا کردار ادا کریں گے۔انہوں نےکہاکہ پیپلز پارٹی جمہوری جماعت ہے اورجمہوریت پر یقین رکھتی ہے۔انہوں نےمزید کہاکہ مجھ پر مشرف ،ق لیگ ،ن لیگ ادوار میں مجھ پر نیب کیس بنتے رہے ہیں اگر عمران خان کے دور میں نہ بنتے تو مجھے افسوس ہوتا۔دریں اثناء قاسم علی گیلانی نےنامہ نگار جنگ سےٹیلی فون پربات کرتے ہوئےکہا کہ میں ملک سے باہرگیا ہوا تھا‘اب آگیا ہوں عوامی رابطہ دوبارہ بحال ہیں ۔شجاع آباد اورملتان کےعوا م کے حقوق کی جنگ لڑتے رہیں گے۔انہوں نےبتایاکہ شجاع آبادمیں ستارخان لنگراہ کی تعزیت کیلئے ان کے گھرگئے ۔پاندا برادری کی ایک اور وفات پر تعزیت کے بعد زہریلے دودھ سے حالت غیر ہونے والے خاندان کی عیادت کیلئے ان کے گھر گئے۔ظہرانہ خواجہ شاہد رسول اور خواجہ انیس کے گھر پر کیا۔
