فرمان الہی
نماز کے اوقات
سربیا کے ٹینس اسٹار نوواک جوکووچ نے ارجنٹائن کے یوان مارٹن ڈیل پوٹرو کو شکست دے کر یو ایس اوپن ٹائٹل ایک مرتبہ پھر اپنے نام کرلیا۔نیویار کے آرتھر ایش اسٹیڈیم میں کھیلا گیا فائنل سنسنی خیز رہا جس میں سربین اسٹار نے 4-6، (4)6-7 اور 3-6 سے فتح حاصل کی۔
نوواک جوکووچ کے کیرئیر کا یہ 14واں گرینڈ سلم اور تیسرا یو ایس اوپن ٹائٹل ہے۔ انہوں نے سابق امریکی ٹینس چیمپئن پیٹ سمپراس کا ریکارڈ برابر کردیا ۔ اس سے قبل نوواک جوکووچ نے 2011 میں ہسپانوی اسٹار رافیل نڈال اور 2015 میں راجر فیڈرر کو شکست دے کر یہ اعزاز اپنے نام کیا تھا۔
جوکووچ سب سے زیادہ گرینڈ سلم جیتنے والے کھلاڑیوں کی فہرست میں مشترکہ طور پر تیسرے نمبر پر آگئے ہیں۔ راجر فیڈرر 20 مرتبہ جبکہ رافیل نڈال 17 مرتبہ گرینڈ سلم ٹائٹل اپنے نام کر چکے ہیں۔ رواں برس ومبلڈن ٹائٹل بھی نوواک جوکووچ نے اپنے نام کیا تھا۔
