• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلع راولپنڈی میں 25لاکھ مقدمات کے فیصلوں کی کمپیوٹرائزیشن

میرا شہر
اسلام آباد
09 اکتوبر ، 2018
راولپنڈی (نمائندہ جنگ) ڈسٹرکٹ بار ایسو سی ایشن راولپنڈی کے صدر خرم مسعود کیانی نے کہا ہے کہ سائلین اور وکلاء کی سہولت کیلئے ایسے تمام مقدمات جن کے فیصلے ہو چکے ہیں انہیں کمپیوٹرائزڈ کیا جا رہا ہے ۔ڈسٹرکٹ بار راولپنڈی صوبے کی واحد بار ہے جسے یہ اعزاز حاصل ہو رہا ہے۔انہوں نے کہا کہ ضلع راولپنڈی میں اب تک 25لاکھ سے زائد سول اور فوجداری مقدمات کے فیصلے ہوئے ہیں جن میں سے ساڑھے آٹھ لاکھ مقدمات کی فائلیں کمپوٹرائزڈ کر دی گئی ہیں باقی ماندہ مقدمات کو بھی بہت جلد کمپیوٹرائزڈ کر دیا جائے گا جس کے بعد وکلا اور سائلین کو کسی بھی کیس کا ریکارڈ حاصل کرنے کیلئے کسی قسم کی پریشانی نہیں ہوگی۔ انہوں نے کہا کہ اپنی نوعیت کے اس منفرد کام کیلئے لاہور ہائی کورٹ کے جسٹس عبادالرحمان اور ڈسٹرکٹ اینڈ سیشن راولپنڈی خالد نواز کی کاوشیں قابل تعریف ہیں جن کی سرپرستی اور نگرانی میں یہ سب کچھ ممکن ہوا۔
تازہ ترین