پاکستان نژاد ڈچ ناول نگاراحسان سہگل کی دو نئی کتابیں شائع ہو گئیں

دی ہیگ(نیوز ڈیسک) پاکستان نژاد ڈچ ناول نگار ‘ شاعر اور صحافی احسان سہگل کی دو نئی کتابیں شائع ہو گئی ہیں جن میں انگریزی زبان میں شعری مجموعہ بریتھنگ ورڈز اور دوسری کتاب دی رائٹنگ دیٹ فراگرینسز شامل ہیںاس سے پہلے ان کی کئی کتابیں منظر عام پر آچکی ہیں جن کو ادبی حلقوں میں خاصی پذیرائی ملی ہے ۔ احسان الٰہی ان دنوں پاکستان کے دورے پر ہیں ۔ وہ انگریزی ‘ اردو اور ڈچ زبانوں میں لکھتے ہیں اور ہالینڈ کے ادبی حلقوں میں مقبول ہیں وہ 1978کے مارشل لا دور میں پاکستان سے ہالینڈ منتقل ہوئے تھے اس وقت وہ کراچی میں اردو کے ایک اخبار سے منسلک تھے ۔ ادبی خدمات پر مختلف تنظیموں کی جانب سے انہیں کئی ایوارڈز مل چکے ہیں۔