• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شیخ سلمان کے ایشین فٹ بال چیف بننے کی حمایت کریں گے، فیصل صالح حیات

شکیل یامین کانگا
تازہ ترین
کھیلوں کی خبریں
30 اکتوبر ، 2018
شیخ سلمان کے ایشین فٹ بال چیف بننے کی حمایت کریں گے، فیصل صالح حیات

پاکستان فٹ بال فیڈریشن کے سربراہ فیصل صالح حیات نے کہا ہے کہ اے ایف سی کے آئندہ انتخابات میں ہم شیخ سلمان بن ابراہیم الخلیفہ کی بھرپور حمایت کریں گے اور انہیں دوبارہ اے ایف سی کا صدر بنانے میں اپنا کردار ادا کریں گے۔

انہوں نے یہ بات اے ایف سی کانگریس کے اجلاس میںخطاب کے دوران کہی۔ اے ایف سی کانگریس کا دو روزہ اجلاس کوالالمپور میں پیر کو شروع ہوا جس میں ایشین فٹ بال کے 45 سے زائد مندوبین نے شرکی کی۔ اجلاس میں پاکستان فٹ بال فیڈریشن کے سربراہ فیصل صالح حیات نےبطور ممبر اے ایف سی شرکت کی جبکہ پاکستان فٹ بال فیڈریشن کے سیکرٹری جنرل فہد خان، عرفان نیازی اور کیپٹن عبید اللہ بھی شامل تھے۔

فیصل صالح حیات نے شرکاء سے خطاب کرتے ہوئے کہا کہ شیخ سلمان نے اپنے موجودہ ٹینور میں ایشین فٹ بال کی بے انتہا خدمت کی ہے جس کی وجہ سے ایشین فٹ بال کا معیار بلند ہوا ہے۔ آج ایشیا کا فٹ بال گراس روٹ لیول پر بہت آگے جا چکا ہے۔ پاکستانی فٹ بال کی ترقی میں بھی شیخ سلمان کا بہت بڑا ہاتھ ہے، ان کے کردار کی وجہ سے ہمیں کھیل کے بے تحاشہ مواقع میسر آرہے ہیں۔

اس موقع پر شرکاء کی جانب سے ایک قرار داد بھی پیش کی گئی جس میں ایشین فٹ بال کے صدر کے انتخاب کیلئے تمام ممالک نے تائید کی۔ اجلاس میں ایشین ممالک کے درمیان رابطوں کی صورتحال، ایشین چیمپئن شپ، کھیل کو درپیش نئے چیلنجز اور دیگر امور پر بھی بحث کی گئی۔

تازہ ترین