فرمان الہی
نماز کے اوقات
پیپلز پارٹی کے شریک چیئرمین آصف علی زرداری نے کہا ہے کہ ہیلی کاپٹرکاتیل بچانے سےملک نہیں چلتا، ہم کوشش کرینگےآپ کواپوزیشن کےموڈ سے باہر نکالیں،آئیں مل کرپاکستان کے لئے کام کریں۔
سابق صدر آصف زرداری نے قومی اسمبلی میں اظہار خیال کرتے ہوئے کہا کہ جب میں صدر بنا تو آئی ایم ایف سے قرضہ مانگنے کا سوچا ،پھر میں نے سی پیک کا نظریہ سوچا،ملین بلین ڈالر ملنا معیشت کا مکمل علاج نہیں ہے،مل کر ملک کو قرض کے مسئلے سے نکالیں۔
انہوں نے کہا کہ انگلینڈ میں بھی کہا جاتا ہے کہ الیکشن فری اینڈ فیئر نہیں ہے،باہر کے ٹیکنو کریٹس کو یہاں کا کیا پتا۔
آصف زرداری نے مزید کہا کہ شارٹ ٹرم منصوبوں سے کچھ نہیں بننے والا،کراچی پانی پیتا ہے تو کراچی پانی دیتا بھی ہے،ہم ڈیمزبنانا چاہتے ہیں ،یہ اچھی سوچ ہے۔ہم اب کتنا جی لیں گے؟کب ہم اپنے بچوں کے لئے ملک بنائیں گے،ایک دوسرے کو اونچا نیچا دکھانا چھوڑدیں۔افغانستان ایک ایشو ہے،اس کے ساتھ کام کرنا بھی ایک ایشو ہے،اگر ہم کامیاب ہوں گے تو یہ ملک کامیاب ہو گا۔
