کراچی (اسٹاف رپورٹر) جونیئر اسکواش چیمپئن شپ میں شرکت کیلئے قومی جونیئر ٹیم 4مارچ کو قطر روانہ ہوگی جہاں کھلاڑی دو جونیئر ایونٹس میں شرکت کریں گے۔ قطر جونیئر اسکواش چیمپئن شپ 5 سے 9مارچ تک ہو گی جس میں اسرار احمد، عباس زیب، عبدالمالک، عبدالقادر، اسد اللہ، خذیفہ ابراہیم، کاشف رشید، نوید الرحمن پاکستان کی نمائندگی کریں گے۔ قطر جونیئر اسکواش چیمپئن شپ5سے 7مارچ جبکہ دوحہ جونیئر اسکواش چیمپئن شپ 7سے 9مارچ تک قطر میں کھیلی جائے گی۔ پاکستان اسکواش فیڈریشن کے سیکرٹری عامر نواز نے جنگ کو بتایا کہ دونوں ایونٹس میں پاکستان کے دس سے بارہ کھلاڑی شرکت کررہے ہیں۔ قطر سرکٹ تھری ٹورنامنٹ 19 سے23مارچ تک دوحہ میں کھیلا جائے گا جس میں عاصم اور اسرار احمد پاکستان کی نمائندگی کرینگے۔
فرمان الہی
نماز کے اوقات
