فرمان الہی
نماز کے اوقات
قصور میں ٹریفک کے 2 مختلف حادثات میں بچے سمیت 6 افراد زندگی کی بازی ہار گئے،5 افراد زخمی بھی ہوئے، جنہیں اسپتال منتقل کر دیا گیا ہے۔
پولیس کے مطابق دیپالپور روڈ پر فتح پور کےقریب تیز رفتار کار بے قابو ہو کر سڑک کنارے ورکشاپ میں گھس گئی۔
حادثے میں مکینک مزمل، رکشا ڈرائیور عمر اور10 سالہ بچہ شہزاد جاں بحق ہو گئے جبکہ 4 افراد زخمی بھی ہوئے جنہیں ڈی ایچ کیو اسپتال منتقل کر دیا گیا۔
کار میں 2 افراد سوار تھے جو فرار ہو گئے،پولیس نے کار قبضہ میں لے کر تفتیش شروع کر دی ہے۔
اُدھر نظام پورہ روڈچونیاں پر 2 موٹرسائیکلیں آپس میں ٹکرا گئیں جس سے 3 افراد ارشد، غلام نبی اور اللہ رکھا جاں بحق ہو گئے، ایک شخص حسنین کو شدید زخمی حالت میں اسپتال پہنچا دیا گیا۔
