فرمان الہی
نماز کے اوقات
سپریم کورٹ نے چیف جسٹس پاکستان میاں ثاقب نثار کے نام سے سوشل میڈیا پر جعلی اکاؤنٹ ہولڈر کے خلاف کارروائی کے لیے ایف آئی اے کو ہدایات جاری کردی ہیں۔
ترجمان سپریم کورٹ نے کہا ہے کہ چیف جسٹس پاکستان میاں ثاقب نثارکا کسی بھی سوشل میڈیا پر کوئی اکاؤنٹ نہیں ہے۔
ترجمان سپریم کورٹ نے اپنے ایک بیان میں کہا ہے کہ ٹوئیٹر پر چیف جسٹس پاکستان کے نام سے اکاؤنٹ جعلی ہے جس کے لیے ایف آئی اے اور پی ٹی اے کو چیف جسٹس پاکستان کا نام استعمال کرنے والے جعلی اکاؤنٹ ہولڈر کے خلاف کارروائی کی ہدایت کی گئی ہے۔
واضح رہے کہ سوشل میڈیا پر جعلی اکاؤنٹ ہولڈر نے چیف جسٹس پاکستان کا نام استعمال کرتے ہوئے بعض سیاسی جماعتوں کو تنقید کا نشانہ بنایا تھا۔
