فرمان الہی
نماز کے اوقات
ورلڈ کپ ہاکی 2018ء کے پری کوارٹر فائنل میچ میں بیلجیم نے پانچ۔صفر سے شکست دے کر پاکستان کو ایونٹ سے باہر کردیا۔
بیلجیم کے ہاتھوں شکست کے بعد چار مرتبہ کے عالمی چیمپئن پاکستان کا ورلڈ کپ ہاکی کا سفر تمام ہو گیا، پاکستان نے ایونٹ میں مجموعی طور پر چار میچز کھیلے،تین میں شکست ہوئی جبکہ ایک میچ برابر رہا۔
بھارتی شہر بھوبنیشور میں کھیلے جارہے ایونٹ میں بیلجیم نے کھیل کا آغاز جارحانہ انداز میں کیا اور پہلے کوارٹر کے دسویں منٹ میں الیگزینڈر ہینڈرکس نے پنالٹی کارنر پر گول کرے اپنی ٹیم کو ایک گول کی برتری دلادی۔
ابھی پاکستان کو برتری ختم کرنے کا موقع بھی نہیں ملا تھا کہ تھامس بریلز نے 13 ویں منٹ شاندار فیلڈ گول کرکے بیلجیم کی برتری دگنی کر دی۔
پاکستانی کھلاڑیوں نے برتری کم کرنے کی بھرپور کوشش کی لیکن کامیابی نہ ملی اور پہلا کوارٹر دو۔صفر سے بیلجیم کی برتری پر ختم ہوا۔
دوسرے کوارٹر میں دونوں ٹیموں نے جارحانہ کھیل پیش کیا اور کھیل کے 27 ویں منٹ میں بیلجیم کے سیڈرک چارلیئر نے فیلڈ گول کرکے اپنی ٹیم کی لیڈ مزید مستحکم کرتے ہوئے تین۔صفر کردی۔
کھیل کے 28 ویں منٹ میں پاکستان کے ایک اور کھلاڑی عمر بھٹہ کو گرین کارڈ دکھایا گیا۔
تیسرے کوارٹر میں بھی بیلجیم نے پاکستان پر دباؤ برقرار رکھا اور 35 ویں منٹ سباسچین ڈوکیئر نے چوتھا گول کرکے ٹیم کی پوزیشن مضبوط کردی۔
چوتھے کوارٹر میں بیلجیم کو پنالٹی اسٹروک ملا جسے ٹام بون نے بغیر کوئی غلطی کیے گول میں تبدیل کردیا اور اپنی ٹیم کی برتری پانچ گول کردی اور میچ کا اختتام اسکور پر ہوا۔
یوں بیلجیم نے کوارٹر فائنل میں جگہ بنالی، جہاں اُس کا مقابلہ 13 دسمبر کو جرمنی سے ہوگا جبکہ پاکستان کو ایونٹ سے باہر ہوگیا۔
