روپے کی قدر کم کرنے کے سوا کوئی چارہ نہیں تھا، رزاق دائود

16 دسمبر ، 2018

وزیراعظم کے مشیر برائے تجارت رزاق داودکا کہنا ہے کہ کوئی شک نہیں کہ روپے کی قدر کم ہو تو قرضے بڑھ جاتے ہیں۔ لیکن جو حالات ہیں اس میں روپے کی قدر کم کرنے کے سوا کوئی چارہ نہیں تھا۔نوکریاں ایک ماہ میں نہیں دی جا سکتیں، پانچ سال میں بہت سی نوکریاں دے کر جائیں گے۔

وزیراعظم کے مشیر رزاق داود نے ایکسپو سینٹر لاہور میں فرنیچر نمائش کا دورہ کیا۔ اس موقع پر میڈیا سے گفتگو میں ان کا کہنا تھا کہ معیشت کو ٹھیک کرنے کے لیے بھی روپے کی قدر کم کرنا ضروری تھا ۔سیاسی بیانات کا معیشت پر کوئی اثر نہیں پڑتا میرا سیاست سے کوئی تعلق نہیں ۔

رزاق داود کا کہنا تھا کہ افغانستان کے ساتھ تجارت بڑھانے پر غور کریں گے۔ بیلنس آف پیمنٹ کامعاملہ ہر ہفتے زیر بحث آتا ہے آہستہ آہستہ بہتری ہوگی۔

تازہ ترین