فرمان الہی
نماز کے اوقات
پیپلزپارٹی کے شریک چیئرمین آصف علی زرداری آج گھوٹکی کے علاقے خان گڑھ میں جلسے سے خطاب کریں گے، وہ مکمل کیبنٹ کے ہمراہ ہیلی کاپٹر کے ذریعےیہاں پہنچیں گے ۔
گھوٹکی کے علاقے خانگڑھ میں آج ہونے والے پیپلز پارٹی کے جلسے کی تمام تیاریاں مکمل کر لی گئی ہیں ، شریک چیئرمین اور سابق صدر آصف علی زرداری آج دوپہر 12 بجے مکمل کیبنٹ کے ساتھ یہاں پہنچیں گے۔
آصف زرداری پیپلز پارٹی کے صوبائی صلاح کار کھیل محمد بخش مہر اور پیپلز پارٹی رکن سندھ اسمبلی علی نواز عرف راجا خان مہر کی خصوصی دعوت پر یہاں آرہے ہیں، وہ دوپہر کا کھانا راجا ہاؤس میں کھائیں گے، جس کے بعد وہ جلسہ عام سے خطاب کریں گے۔
سابق صدر آصف علی زرداری کے خانگڑھ راجا ہاؤس میں جلسے کی تیاریاں مکمل کی کر لی گئی ہیں، جلسے میں جیالوں کے بیٹھنے کے لئے 3 ہزار کرسیاں لگا دی گئی ہیں جبکہ سیکیورٹی کے لئے واک تھرو گیٹ لگا کر غیر معمولی انتظامات کئے گئے ہیں۔
اس موقع پر سابق صدر کے ہمراہ قائم علی شاہ ، ناصر شاہ، خورشید شاہ ، منظور وسان سمیت دیگر رہنما بھی ہونگے۔
