فرمان الہی
نماز کے اوقات
لاہور،ظفروال ، فاروق آباد(نامہ نگاران ، ایجنسیاں) ملک میں سردی کی شدت برقرار ہے اور میدانی علاقے بدستور دھند کی لپیٹ میں ہیں ،دھند کے باعث مختلف حادثات میں ایک ہی خاندان کے 6 افراد سمیت 8 جاں بحق جبکہ 7 زخمی ہو گئے، فاروق آبادمیں گاڑی نہرمیں گرنے سے6افراد،ظفروال میں ٹرالی کی ٹکر سے2 بھائی جاں بحق ہوگئے،بتایا گیا ہے کار میں سوار تین خواتین سمیت بد قسمت خاندان کے 6 افراد چنبل گاؤں سے گوجرانوالہ فوتگی پر جا رہے تھے،ریسکیو 1122 نے موقع پر پہنچ کر 5نعشوں کو نکالاجبکہ کار ڈرائیور کی نعش تا حال نہیں مل سکی، ظفروال میں ٹریکٹر ٹرالی کی ٹکر سے موٹر سائیکل سوار 2بھائی جاں بحق ہو گئے جبکہ دنیا پور میں حادثے میں 7افراد زخمی ہوئے، ریسکیو ا ہلکاروں نے زخمیوں کو طبی امداد کیلئے ہسپتا ل منتقل کیا،زخمیوں میں 5سالہ بچہ اور 2خواتین بھی شامل ہیں، ترجمان موٹروے کے مطابق موٹروے ایم ون برہان سے پشاور جبکہ ایم ٹو کوٹ مومن سے لاہور اور ایم فور پنڈی بھٹیاں سے فیصل آباد اور گوجرہ تک بند کئے گئے۔
