فرمان الہی
نماز کے اوقات
سیکورٹی فورسز نے ایف سی ٹریننگ سینٹرلورالائی میں رہائشی اور انتظامی کمپاؤنڈپر دہشت گردوں کےحملےکی کوشش کو ناکام بناتے ہوئے ایک خودکش بمبارسمیت 4 دہشت گردوں کو ہلاک کردیا،فائرنگ کے تبادلے میں 4 جوان شہید اور 2 زخمی ہوگئے۔
پاک افواج کے شعبہ تعلقات عامہ (آئی ایس پی آر) کے اعلامیہ کے مطابق دہشت گردوں نے ایف سی ٹریننگ سینٹرلورالائی میں رہائشی اورانتظامی کمپاونڈپرحملےکی کوشش کی، لیکن دہشت گردوں کورہائشی علاقےکےداخلی پوائنٹ پر ہی روک لیاگیا۔
آئی ایس پی آر کے مطابق سیکورٹی فورسز کی فائرنگ سے ایک خودکش بمبار سمیت 4دہشت گرد ہلاک ہوگئے۔
آئی ایس پی آر نے مزید بتایا کہ فائرنگ کے تبادلے میں 4 جوان شہید اور 2 زخمی ہوئے۔ شہداء میں صوبیدار میجرمنور، حوالدار اقبال خان، حوالدار بلال اور سپاہی نقشب شامل ہیں۔
