• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹو شہید جمہوری اور عوامی بالادستی کا دوسرا نام ہے، شبیہ الحسن

آج کا اخبار
یورپ سے
02 جنوری ، 2019
فرینکفرٹ(سیّد اقبال حیدر)پاکستان پیپلز پارٹی جرمنی کے جیالوں نے بینظیر شہید کی یاد میں جرمنی کے مختلف شہروں میں تقریبات کا اہتمام کیا،پاکستان پیپلزپارٹی جرمنی کے مرکزی صدر سیّد زاہد عباس کی سرپرستی میں ،بے نظیربھٹو شہید کی گیارویں برسی کے موقع پر پرجوش انداز میں جیالوں نے شہید ذوالفقار علی بھٹو اور بینظیر بھٹو شہید کے پیغامات کی تشہیر کی۔فرینکفرٹ میںمنعقدہ تقریب میں صوبہ ہیسن کے جنرل سیکرٹری شبیہ الحسن نے کہا کہ بے نظیر شہید جمہوری اور عوامی بالادستی کی جدوجہدکا دوسرانام ہے،مرکزی رہنماراشد نسیم مرزا نے شہید ذوالفقار علی بھٹو اور بینظیر بھٹو شہید کو خراج عقیدت پیش کرتے ہوئے کہا کہ ہم اپنے شہید رہنمائوں کی سیاسی تعلیمات کی رہبری میں آج بھی عوام کی فلاح و بہبود ،ترقی و خوشحالی اور ان کے حقوق کی جنگ لڑ رہے ہیں۔پرویز زیدی نے کہا کہ بے نظیر بھٹو کی جمہوریت کے لئے جدوجہد تاریخ میں ہمیشہ سنہری حروف سے لکھی جائے گی،برلن پیپلز پارٹی کے رہنما منظور اعوان نے دعائیہ کلمات میں شہداء کو نذرانہ عقیدت پیش کیا اور کہا کہ بے نظیر شہیدکی گیارہویں برسی کے موقع پر ایک بار پھر ہم دعا گو ہیں کہ اللہ تعالیٰ انھیں جنت الفردوس میں جگہ دے۔
تازہ ترین