فرمان الہی
نماز کے اوقات
کراچی (اسٹاف رپورٹر) پرو ہاکی لیگ کی تیاری کے لئے ایدھی ہاکی اسٹیڈیم میں جاری گول کیپنگ کیمپ میں کھلاڑیوں کو مشکلات کا سامنا ہے جس پر کیمپ کمانڈنٹ شاہد علی خان برہم ہوگئے ۔گول کیپنگ مشین خراب پڑی ہوئی ہے، گول پوسٹ کے پول بھی زنگ آلودہ ، لکڑی خستہ حال اور نیٹ پھٹ چکے ہیں جس سے کھلاڑیوں کے زخمی ہونے کا بھی خدشہ ہے۔صورتحال کو افسوسناک قرار دیتے ہوئے شاہد علی خان کا کہنا ہے کہ فیڈریشن کو چار پانچ لاکھ روپے کے معیاری پول منگوانے چاہئیں۔ خیال رہے کہ کیمپ میں شریک 13گول کیپرز شریک ہیں لیکن حیرت انگیز طور پر ان میں کراچی کا کوئی گول کیپر شامل نہیں ہے۔ کیمپ15روز جاری رہے گا۔
