• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسد قیصر کی قونصلر جنرل مانچسٹر کے ہمراہ سجاد کریم ایم ای پی سے ملاقات

آج کا اخبار
یورپ سے
05 جنوری ، 2019
نیلسن ( عبد اللہ زید) قومی اسمبلی پاکستان کے سپیکر اسد قیصر جو بر طانیہ کے نجی دورہ پر ہیں، نے نارتھ ویسٹ انگلینڈ سے ممبر یورپین پارلیمنٹ اورچیئر مین یورپین پارلیمنٹ فرینڈزآف پاکستان گروپ ڈاکٹر سجاد کریم سے ان کی رہائش گاہ پر ملاقات کی، اس موقع پر قونصلر جنرل پاکستان مانچسٹر بھی موجود تھے دوران ملاقات دونوں راہنماؤں میں یورپی یونین سے بر طانیہ کے انخلاء اور پاک، بر طانیہ تعلقات پر تبادلہ خیال کیا گیا۔ ڈاکٹر سجاد کریم نے پاکستان کی نئی حکومت سے اپنے مکمل تعاون کاا عادہ کیا یاد رہے کہ ڈاکٹر سجاد کریم 2007میں عمران خان کی یورپی پارلیمنٹ میں میزبانی کر چکے ہیں اور موجودہ وزیر اعظم کے ساتھ اس وقت تفصیل سے پاکستان و یورپی یونین کے مابین تعلقات و دیگرامور پربریفنگ دی گئی تھی، سپیکر قومی اسمبلی نے بھی ڈاکٹر سجاد کریم سے یورپی یونین اور پاکستان کے مابین تجارت کے حوالے سے معاملات پرصلاح و مشورہ کرتے ہوئے سجاد کریم کو پاکستان آنے کی دعوت کا عندیہ دیا تا کہ وزارت تجارت ان کے تجربے سے استفادہ کر سکے۔ یاد رہے کہ ڈاکٹر سجاد کریم یورپی پارلیمنٹ کی جانب سے ای یو انڈیا فری ٹریڈ رپورٹ کے رپوتاژ بھی ہیں اور دیگر ای یو میں شامل ہونے والے ممالک کے مابین تجارت کے معاملات طے کرنے میں بھی کردار اداکر رہے ہیں۔
تازہ ترین