بہاول پور......بہاول پورمیں ویمن ہاکی ٹیم کی کوچ حنا خالد پر اُن کے دوست نے تیزدھار آلےسےحملہ کردیا جس کے بعد انہیں تشویش ناک حالت میں اسپتال منتقل کردیا گیا۔
پولیس کےمطابق ویمن ہاکی ٹیم کی کوچ حنا خالد اپنے دوست شہزادمکی کےساتھ جارہی تھیں۔ میلاد چوک کے قریب اُن کے دوست نےمبینہ طور پرتیزدھارآلے سےحناکی گردن پروار کیا، جس سے حنا خالد زخمی ہوکر بے ہوش ہوگئیں۔
حملے کے بعدملزم شہزاد فرارہوگیا، راہ گیروں نے ویمن ہاکی ٹیم کی کوچ کو تشویشناک حالت میں بہاول وکٹوریہ اسپتال منتقل کیا۔ ڈسٹرکٹ ویمن ہاکی ٹیم کی کوچ کو حالت تشویشناک ہونے پر آپریشن تھیٹرمنتقل کردیاگیاہے۔
بہاول وکٹوریہ اسپتال کے ایمرجنسی وارڈ کے انچارج کے مطابق زخمی حناخالد کو گذشتہ رات تشویشناک حالت میں اسپتال لایا گیا تھا ،انہیں آپریشن کے بعد آئی سی یو منتقل کیا گیا ،تاہم آج صبح ان کی حالت بگڑنے پر انہیں دوبارہ آپریشن تھیٹرمنتقل کردیا گیا ہے ۔
پولیس کا کہنا ہے کہ وومین کوچ کے بھائی کی مدعیت میں مقدمہ درج کرکے حملہ آور کی تلاش شروع کردی گئی ہے۔پولیس کے مطابق ویمن کوچ کو گذشتہ رات رشتے کے تنازعے پر ان کے دوست نے مبینہ طورپرتیز دھارآلے سےگلاکاٹنے کے بعد میلادچوک پر پھینک دیاتھا، پولیس نے ملزم کےبھائی کو حراست میں لے لیاہے۔
فرمان الہی
نماز کے اوقات
