• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مہمند ڈسٹرکٹ والی بال اور کرکٹ سپر لیگ کبیر کلب اور مہمند زلمی نے جیت لیں

میرا شہر
پشاور
06 جنوری ، 2019
پشاور( خصوصی نامہ نگار)مہمند ڈسٹرکٹ والی بال ماسٹر لیگ کبیر والی بال کلب اور کرکٹ سپر لیگ مہمند زلمی نے جیت لی،ڈسٹرکٹ سپورٹس منیجرسعید اختر نے انعامات اور سپورٹس کٹس تقسیم کئے۔ مہمند ڈسٹرکٹ سپورٹس ڈیپارٹمنٹ اور ڈائریکٹوریٹ آف سپورٹس ضم اضلاع کے تعاون سے والی بال اور کرکٹ کے مقابلے تحصیل حلیمزئی شگئی گرائونڈ میں ہوئے کرکٹ فائنل میں مہمند زلمی کلب نے مہمند ٹائیگر کلب کو ہرا یا۔والی بال ماسٹر لیگ اخونزادگان والی بال گرائونڈ پر کھیلی گئی جس میں آٹھ مقامی ٹیموں نے حصہ لیا۔ فائنل میںکبیر کلب نے نور ولی کلب کو سنسنی خیز مقابلے کے بعد ہرا کر ٹائٹل جیت لیا۔ تقسیم انعامات کی الگ الگ تقریبات میں مہمند سپورٹس منیجر سعید اختر، پی ٹی آئی کے رہنماء تاجبر خان ، اسماعیل شیدا، حبیب سید ہمدرد، نثار خان ، ضیاء ولی شاہ اور انٹر نیشنل بلائنڈ کرکٹر محسن خان نے انعامات تقسیم کئے۔ سعید اختر نے کہا کہ مہمند میںکرکٹ، والی بال، کبڈی ، فٹ بال اور سائیکل ریس میں قومی سطح کے کھلاڑی کے سامنے آئے ہیںجنہوں نے قومی ٹیموں میں جگہ بنالی ہے۔
تازہ ترین