• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کی چھ سالڈ ویسٹ مینجمنٹ کمپنیوںمیں راولپنڈی کی کارکردگی سب سے بری

میرا شہر
اسلام آباد
17 جنوری ، 2019
راولپنڈی(راحت منیر/اپنےرپورٹر سے) پنجاب میں چھ سالڈ ویسٹ مینجمنٹ کمپنیوں میں راولپنڈی ویسٹ مینجمنٹ کمپنی کی کارکردگی سب سے بری رہی۔ محکمہ لوکل گورنمنٹ پنجاب کی طرف سے بہاولپور،فیصل آباد،گوجرانوالہ، ملتان، راولپنڈی اور سیالکوٹ کی ویسٹ مینجمنٹ کمپنیوں کی چار کیٹیگریوں میں رپورٹ تیار کی گئی ہے۔جس میں سپروائزرز اور ورکرز کی حاضری،گاڑیوں کے استعمال اور کنٹینرز کی صفائی کے حوالے سے ڈیٹا تیار کیاگیا۔ ڈپٹی کمشنر ڈاکٹرعمرجہانگیر نےراولپنڈی ویسٹ مینجمنٹ کمپنی کی ناقص کارکردگی کا نوٹس لیتے ہوئے اجلاس طلب کرلیا۔جس میں خراب کارکردگی کا جائزہ لیا جائےگا۔ادھر ذرائع کے مطابق ملی بھگت سے لیاقت باغ کوڑا ٹرانسفر اسٹیشن سے لوسر ڈمپنگ سائیٹ تک کوڑا لے جانے کا ٹھیکہ بدل گیا ہے۔پہلے مسلم لیگ ن کے ایک سپورٹر کےپاس ٹھیکہ تھا جو اب پی ٹی آئی کے ایک سپورٹر کو مل گیا ہے۔
تازہ ترین