• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شمالی وزیرستان،تربت،ڈیرہ بگٹی میں دھماکے،2بچوں سمیت 8 زخمی

آج کا اخبار
اہم خبریں
25 جنوری ، 2019
میرانشاہ‘کوئٹہ‘ڈیرہ بگٹی(نمائندگان جنگ)شمالی وزیرستان میں بارودی سرنگ دھماکےمیں ایک ہی گھرکے2بچےزخمی ہوگئے‘ذرائع کےمطابق شمالی وزیرستان کی تحصیل میرانشاہ میں غلام خان گیٹ کےقریب حفاظتی مائن پھٹنےسےیہ بچےزخمی ہوئے جنہیں سی ایم ایچ پشاورمنتقل کیا گیا جہاں طبی امدادجاری ہے‘زخمی بچوں کی شناخت دل راج بی بی اور حسین احمدکے نام سےہوئی جن عمریں آٹھ سال بتائی گئی ہیں۔ادھرتربت میں سکیورٹی فورسز کی گاڑی کے قریب دھماکےکےنتیجےمیں 4افراد زخمی ہوگئےجنہیں فوری ہسپتال پہنچایاگیا‘سکیورٹی ذرائع کےمطابق بم موٹرسائیکل میں نصب کیاگیاتھا ۔ سکیورٹی اداروں نےعلاقے کی ناکہ بندی کرکےسرچ آپر یشن شروع کردیا ۔ایک اورواقعےمیں پیرکوہ گیس فیلڈ کےنواحی علاقے حیدری نالہ میں بارودی سرنگ کےدھماکے میں 2افراد زخمی ہوگئے۔لیویزذرائع کےمطابق رحیم ولدیارمحمد بگٹی اورعلی نواز ولددوست محمد بگٹی پیدل جار ہےتھےکہ ان میں سےایک کا پاؤں سڑک کےکنارے نصب بارودی سرنگ پر آگیاجس سے زورداردھماکاہوااور دونوں زخمی ہوگئے‘ایف سی کوئیک ریسپانس فورس اور لیو یزنےزخمیوں کوڈی ایچ کیوہسپتال ڈیرہ بگٹی منتقل کیا‘تفتیش شروع کردی گئی ہے۔
تازہ ترین