کوئی بھی ایسا نہیں جس نے سانحہ ساہیوال کومحسوس نہ کیا ہو،فردوس عاشق

آج کا اخبار

اہم خبریں

31 جنوری ، 2019

کراچی (ٹی وی رپورٹ)جیو کے پروگرام ’’آپس کی بات‘‘ میں میزبان منیب فاروق سے گفتگو کرتے ہوئے پاکستان تحریک انصاف کی رہنما فردوس عاشق اعوان نےکہا ہے کہ ہم سب انسان ہیں ،کوئی بھی ایسا نہیں جس نے سانحہ ساہیوال کو محسوس نہ کیا ہو یہ غلط ہوا ،ن لیگ کی رہنماعظمٰی بخاری نے کہا کہ سانحہ ماڈل ٹاؤن کا سیاسی مقصد ضرور تھا بعد میں لندن پلان بھی ہم نے دیکھا ، پیپلز پارٹی رہنما ناز بلو چ کا کہنا تھا کہ کچھ وزراء صرف شور مچاتے ہیں، وکیل عارف چوہدری نے کہا کہ میڈیکل گراؤنڈ سب سے مضبوط گراؤنڈ ہوتی ہے، شہباز شریف کے ٹرائل کے حوالے سےمعروف قانون دان کامران مرتضیٰ نے کہاکہ ثبوت کی بنیاد پر ابھی بہت مضبوط نہیں کورٹ بھی علا ج کرانے کے معاملے کو عام طور پر سپورٹ کرتی ہے۔پاکستان تحریک انصاف کی راہنما فردوس عاشق اعوان نےکہاکہ ہم سب انسان ہیں ،کوئی بھی ایسا نہیں جس نے اس واقعے کو محسوس نہ کیا ہو یہ غلط ہوا اس آپریشن میں میں اب تک جو باتیں سامنے آرہی اس کو سامنے رکھتے ہوئے ابھی کچھ نہیں کہا جاسکتا جس کے ساتھ بے گنا ہ بھی مارے گئے جس سے فرار ممکن نہیں جس پر وزیر اعظم پاکستان نے اعلان بھی کیا اور ابھی جوڈیشل کمیشن کے لیے بھی بات چیت جاری ہے ،یہ ایکشن بہت اچانک ہوا اس میں دیکھنا ہوگا کہ کیا چیف منسٹراور چیف سیکریٹری مشاورت میں شامل تھے یا نہیں،ایک جوڈیشل کمیشن کے لیے ماڈل ٹاؤن والوں نے کتنے دھکے کھائے ۔

تازہ ترین