فرمان الہی
نماز کے اوقات
کراچی ( اسٹاف رپورٹر) پاکستان ہاکی فیڈریشن کے چیف سلیکٹر اصلاح الدین نے ٹیلنٹ کی تلاش کے لئے کراچی میں خصوصی کیمپ لگانے کا اعلان کیا ہے، جنگ سے بات چیت کرتے ہوئے اصلاح الدین نے کہا کہ کراچی کے بعد دوسرے شہروں میں بھی کیمپ لگائیں گے۔ کراچی میں آٹھ فروری سےانڈر19ہاکی کیمپ ایم اے شاہ، اصلاح الدین اکیڈمی پر لگایا جائے گا، نوجوان کھلاڑیوں کو مکمل کٹ بھی فراہم کی جائیگی، ملکی اور غیرملکی دورے بھی کرائے جائینگے، جان محمد ہیڈ کوچ ہونگے، لطافت حسین شاہ، مبشر مختار، اسد ظہیر، راشد یعقوب، سید آل حسن اور مسرت حسین معاون کوچ ہوں گے۔ اولمپئنز ایاز محمود ، سلیم شیروانی ، قمر ابراہیم ، انیس احمد ، کاشف جواد ، سمیر حسین اور محمد علی سمیت دیگر بھی کیمپ کا دورہ کریں گے۔
