• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عامر خان پاکستانی باکسنگ کو تباہ کررہے ہیں، حسین شاہ

آج کا اخبار
اسپورٹس
07 فروری ، 2019
کراچی (اسٹاف رپورٹر) اولمپکس میں پاکستان کی جانب سے آخری میڈل جیتنے والے معروف باکسر حسین شاہ نے کہا ہے کہ انگلینڈسے تعلق رکھنے والے باکسر عامر خان کو پاکستانی باکسنگ سے کوئی دلچسپی نہیں ہے وہ پاکستانی کی باکسنگ کو تباہ کر رہے ہیں۔ یہ بات انہوں نے بدھ کو کراچی پریس کلب میں میڈیا سے بات چیت میں کہی۔ ان کا کہنا تھا کہ اسلام آباد کے ان ڈور جمنازیم کو سابق صدر پرویز مشرف نے مجھ سے منسوب کیا تھا جسے اب ایسے باکسر کے حوالے کر دیا گیا ہے جس نے کبھی پاکستان کی نمائندگی نہیں کی۔ المیہ ہے کہ اس کے نام سے نیشنل ٹورنامنٹ بھی ہو گیا۔ دنیا بھر میں پاکستان کا نام باکسنگ میں روشن کرنے والے پروفیسر انور چوہدری اور میجر عبدالرشید کا نام ان کے ساتھ ہی دفن کر دیا گیا ہے۔ ان کا کہنا تھا کہ محکمہ کھیل سندھ کی جانب سے ایک مخصوص باکسنگ لابی کو گزشتہ کئی سال سے مسلسل مالی امداد دینے کی تحقیقات کی جائے۔ کے الیکٹرک اور کے پی ٹی کی باکسنگ ٹیمیں بھی بحال کی جائیں۔
تازہ ترین