فرمان الہی
نماز کے اوقات
دبئی (عبدالماجد بھٹی/ نمائندہ خصوصی) جنوبی افریقا سے تعلق رکھنے والے کولن انگرام کہتے ہیں کہ کوئٹہ کے خلاف ان کی اننگز ان کے کیریئر کی یادگار اننگز میں سے ایک ہے۔انہوںنے پی ایس ایل 4 کی پہلی سنچری اپنے نام کی۔ میگا ایونٹ میں سولہ میچ مکمل ہوچکے ہیں اور منگل سے پی ایس ایل کا میلہ ایک بار پھر دبئی منتقل ہورہا ہے۔ رات نو بجے دفاعی چیمپئن اسلام آباد یونائیٹڈکا میچ ملتان سلطانز سے ہوگا۔ابتدائی پندرہ میچوں کے اختتام پر تمام ٹیموں نے اپنے آدھے آدھے میچ کھیل لئے ہیں۔ پانچ میچوں کے اختتام پر سرفراز احمد کی کوئٹہ گلیڈی ایٹرز چار میچ جیت کرپہلے نمبر پر ہے۔ کراچی کنگز نے دو میں کامیابی حاصل کی ہے اور چار پوائنٹس کے ساتھ پوائنٹس ٹیبل پر پانچویں نمبر پر ہے۔ پشاور زلمی پوائنٹس ٹیبل پر دوسرے نمبر پر ہے۔پشاور نے پانچ میں سے تین میچ جیتے ہیں اسے دو میچوں میں شکست ہوئی ہے۔ اسلام آباد یونائیٹڈکی ٹیم تیسرے نمبر ہے اس کے بھی پانچ میچوں کے بعد چھ پوائنٹس ہیں۔اسلام آباد نے پانچ میں سے تین فتوحات حاصل کی ہیں۔ لاہور قلندرز چوتھے اور ملتان سلطانز سب سے آخری نمبر پر ہے۔
